Actuación do Coro Solpor do Espazo +60 Ferrol na Asociación de Mulleres de Santa Mariña

O Coro Solpor do Espazo +60 Ferrol de Afundación foi fundado en 1981 e conta xa con 36 anos de traxectoria. A agrupación, dirixida por Ángel Carro Guzmán, está composta na actualidade por 28 voces e 6 instrumentos de corda.

Recibiu en 2008 o premio da música Gregorio Baudot que outorga a Sociedade Artística Ferrolá en recoñecemento á súa longa traxectoria musical, a achega ao mantemento da canción ferrolá e o seu obxectivo social coa promoción da actividade artística e musical das persoas maiores.

Neste mes de decembro o Coro Solpor ofrecerá dúas actuacións na cidade de Ferrol:

• 9 de decembro ás 19.30 horas na Asociación de Mulleres de Santa Mariña de Ferrol.
• 13 de diciembre ás 17.30 horas no Certame de Corais de persoas maiores que organiza o Concello de Ferrol no Auditorio Municipal de Caranza.

Estas actuacións desenvolvense no marco do programa "O valor da experiencia" da Área de Envellecemento Activo de Afundación, que ten como obxectivo potenciar o papel activo das persoas maiores na sociedade e fomentar accións de voluntariado cultural como esta. O coro ao longo destes 36 anos actuou en numerosas asociacións de veciños, centros sociais e residencias de Ferrolterra, ademáis de ser requerida en igrexas, centros educativos e teatros.