Recollida de xoguetes no Espazo +60 de Betanzos a favor de Cruz Vermella

Un grupo de persoas maiores voluntarias do Espazo +60 de Afundación en Betanzos colaboran na recollida de xoguetes e libros infantís destinados a Cruz Vermella de Betanzos. 

Aquelas persoas que desexen colaborar poderán depositar os seus xoguetes e libros infantís ata o 18 de decembro no Espazo +60 de Afundación en Betanzos (Cantón de San Roque, 3). Poderanse doar tan só xoguetes novos, non bélicos, non sexistas e preferiblemente educativos para promover entre os máis [email protected] principios e valores que fomenten a aprendizaxe e a convivencia. Tamén se recollen libros e material escolar. Unha vez rematada a recollida, Cruz Vermella encargarase da súa distribución entre familias en situación de vulnerabilidade social ou en risco de pobreza.

Esta iniciativa forma parte do programa de voluntariado "O valor da experiencia" da área de Envellecemento Activo de Afundación, que ten como finalidade potenciar o papel activo das persoas maiores na sociedade, favorecer o desenvolvemento de accións interxeracionais e de voluntariado.