Contacontos: O Nadal no bosque. Espazo +60 de Betanzos

O grupo de voluntariado do Espazo+60 de Afundación en Betanzos representará un conto diante de máis de 150 escolares de Educación Infantil do CEIP Francisco Vales Villamarín.

 

O conto "O Nadal no bosque" pon en valor a amizade frente á envexa e os celos. Durante a xornada interpretarán o conto nun total de 3 sesións para escolares de 3 a 6 anos e completaranse cun obradoiro.

 

A actividade enmárcase na liña estratéxica "O valor da experiencia" da Área de Envellecemento Activo de Afundación, que ten como finalidade ampliar as oportunidades de participación e de contribución social das persoas maiores, aproveitando o seu talento e a súa experiencia vital a través de programas interxeracionais de voluntariado que beneficien a outros grupos de idade, neste caso, coa fin de estimular o interese pola lectura.