Recollida de alimentos no Espazo +60 Pontedeume a favor de Cáritas

O voluntariado do Espazo +60 Pontedeume colabora coa campaña de recollida de alimentos non perecedoiros para Cáritas. A entidade destinaráos a familias en situación de vulnerabilidade social. Recolleranse alimentos ata o día 22 de decembro.

Esta iniciativa forma parte do programa de voluntariado "O valor da experiencia" da área de Envellecemento Activo de Afundación, que ten como finalidade potenciar o papel activo das persoas maiores na sociedade, favorecer o desenvolvemento de accións interxeracionais e de voluntariado.