Concerto BUTACA DE JAZZ: NANI GARCÍA TRIO na Coruña

Nani García Trío “Hai un desequilibrio…"

Esta actuación do ciclo de concertos BUTACA DE JAZZ forma parte do programa «Cultura por Alimentos».

Para acceder a cada un dos concertos, ademáis de presentar o convite retirado en Ataquilla.com, deberán facer unha doazón de alimentos que serán recollidos na entrada do auditorio. As persoas que acudan sin alimentos e desexen asistir ao concerto poderán adquirir unha entrada na taquilla do propio auditorio. O custo desta entrada será de 10 euros que serán destinados á adquisición de alimentos para o Banco de Alimentos local.

Suxerimos que a doazón sexa, preferiblemente, e como mínimo, dos seguintes productos: 2 litros de aceite, 6 latas de conservas, 3 botes de legumes en conserva ou o seu equivalente en alimentos infantís.   

 

BUTACA DE JAZZ

Esta terceira edición de Butaca de Jazz segue mantendo o foco no jazz galego máis internacional, convinándoo con outras propostas de fóra de Galicia pero de igual carácter internacional. Un ciclo de propostas persoais, onde as persoas que lideran cada unha das formacións son protagonistas destacados, coa peculiaridade ademais de que todas elas se presentan no mesmo formado de trío.
Preséntanse tres concertos de tres tríos de piano, contrabaixo e batería, onde poderemos apreciar a enorme diferencia tanto a nivel compositivo, como interpretativo que hai entre elas. Tres proxectos coa mesma formación instrumental pero tres sons e propostas totalmente diferenciadas.
A programación compóñena dúas propostas de artistas xa consagrados, como poden ser Nani García e Paco Charlín, e un proxecto de xente máis nova pero que claramente están despuntando a nivel internacional como é o caso da pianista  Lucía Fumero.

 

NANI GARCÍA

Compositor, músico e produtor musical nacido na Coruña. Inicia a súa formación musical en composición e jazz en Suecia entre os anos 1976 e 1980 ao tempo que cursa estudos de lingüística nas Universidades de Upsala e Estocolmo. Ao seu retorno a Galicia forma parte dos diversos grupos de jazz da época. Fundador do grupo Clunia a principios dos anos 80, xunto có contrabaixista Baldo Martínez e o batería Fernando Llorca, a súa carreira comezou como pianista de jazz, actividade que mantén alternando coa súa faceta de compositor. Solista, produtor musical, adaptador e compositor, mantén unha intensa actividade no mundo da composición. Autor de bandas sonoras para longametraxes, obras de concerto, óperas, obras de teatro, curtametraxes, programas de TV. Conta con máis de 100 publicacións entre obras de jazz, producións audiovisuais, producións para outros artistas.

O seu selo persoal queda plasmado en obras do cine de animación como “De Profundis”(2006), “Engurras”(2011), Valentina (2022), “O Xigante”, ou recente oscarizada “Una mujer fantástica”(2017) todos eles com multitude de galardóns e gañadores de Goya en diversas categorías. Ten colaborado com músicos como Jorge Pardo, Maria Joao, Mario Laginha, Baldo Martínez, Tom Gullion, Perico Sambeat, María Joao, Kenny Wheeler, Pablo Milanes, Mathew Simon, Mario Laginha, Paolo Fresu, Ainhoa Arteta, Amancio Prada, Michael MacGoldrick, Dulce Pontes, Tom Gullion, Karen Mathesson, Luar na Lubre, Paco Charlín, Alfonso Moran, Victor de Diego, Tom Hornsby, Borja Quiza, Pancho Corujo, Alfonso Calvo, Xosé Miguelez, Pablo Castaño son algúns do artistas cos que ten colaborado. NG trío, ten a súa orixe a finais dos 80 e del formaron parte os bateristas Fernando LLorca e Carlos Castro e o contrabaixista Alfonso Morán. Logo dun parón no ano 2010 retoma de novo a súa actividade con novos membros: Simón García no contrabaixo e Miguel Cabana na batería. “Renaissance”(2012), primeira publicación do trío, marca o seu camiño en base a unha liña de traballo fundamentado no traballo colectivo e as composicións orixinais do propio Nani García. No seu segundo traballo con esta formación. Simón e Miguel acompañan a Nani e una apuesta orgánica cimentada máis se cabe, na improvisación colectiva e o traballo de arranxos sobre composicións propias, o que lle da ao trío un sonido moi especial, orixinal y contundente. “Serendipia” (2014), que así se chama a súa nova publicación, é un traballo que ven confirmar as espectativas postas nesta formación dende a primeira entrega. “Cinematojazzía” (2016) resulta nunha nova proposta do trío esta vez acompañado dun cuarteto de corda dando pe a manexar un conxunto de composicións inspiradas en temas escritos en orixe para medios audiovisuais. A cuarta entrega da que hoxe falamos, “Hai un desequilibrio…” (2022), supón a volta á liña máis sinxela de interpretación con novas propostas compositivas.