DO SILENCIO Á EMOCIÓN: A bela Helenes, en Pontevedra
En colaboración coa Camerata Arven, chega o segundo concerto na Sede Afundación Pontevedra do ciclo «Do silencio á
emoción II», cuxo propósito é convidar a redescubrir a música clásica dun xeito diferente, rompendo barreiras entre público e artistas.
As e os asistentes aos concertos poden subir ao escenario e descubrir de preto como se fai a música desde unha perspectiva didáctica. Ademais, previamente a cada concerto, hai unha explicación dos distintos aspectos do espectáculo, desde os instrumentos, o repertorio ata o propio contexto compositivo.
CONCERTOS
xoves 4 MAI | 20.30 h | A bela Helenes
Obra por encargo de Jorge Ortal (1969) dedicada á Camerata Arven, este poema sinfónico pretende narrar a mítica lenda que atribúe ao arqueiro grego Teucro a fundación da cidade de Pontevedra. Na segunda parte do concerto poderemos gozar da Sinfonía nº6, Pastoral de Ludwig van Beethoven.
xoves 18 MAI | 20.30 h | Concerto Letras Galegas
A Camerata dedicará este programa a homenaxear algunhas das personalidades máis importantes da nosa literatura. Entre peza e peza recitaranse poemas do escritor e político Francisco Fernández del Riego (Lourenzá, 1913), homenaxeado do Día das Letras Galegas 2023. Interpretarán pezas tan representativas como Alborada galega, de Pascual Veiga, Quen poidera namorala, de Álvaro Cunqueiro; Unha noite na eira do trigo, de Manuel Curros Enríquez; Negra sombra, de Rosalía de Castro, entre outras.
xoves 8 XUÑ | 20.30 h | Gala lírica
Como colofón o programa conclúe cunha gran cita lírica con interpretación de obras populares do máis destacado repertorio operístico a nivel internacional: Puccini, Verdi, Mozart.
Todos os concertos enmárcanse en «Cultura por alimentos», en colaboración coa Federación Española de Bancos de Alimentos, co obxectivo de contribuír, a través de doazóns, a incrementar os recursos dos Bancos de Alimentos de Galicia.