Concerto familiar PEDRO E O LOBO en Pontevedra
DO SILENCIO Á EMOCIÓN II
O acceso a este concerto será a través dunha doazón de alimentos non perecedoiros que se destinará ao Banco de Alimentos da localidade, tras retirar a invitación en Ataquilla.com
Suxerimos os seguintes alimentos, prioritariamente conservas, leite, cereais, galletas, cacao e alimentos para bebés.
Reserva as túas entradas AQUÍ.
PROGRAMA
PEDRO E O LOBO
Do Silencio á Emoción é unha serie de concertos que invitan a escoitar música clásica desde un punto de vista diferente, rompendo barreiras e integrando diferentes artes escénicas. Ao comezo, resumirase a historia das obras do concerto, facilitando a escoita, permitindo a participación do público e o seu achegamento á orquestra.
Pedro e o lobo trátase dunha obra musical de carácter didáctico, na que os distintos instrumentos representan a cada un dos personaxes da historia. Neste primeiro concerto do ciclo, os nenos e nenas poderán escoitar as aventuras de Pedro narradas pola actriz galega Laura Sarasola e ilustradas musicalmente pola Camerata Arven.
A directora de teatro rusa Natalya Sats, que dirixía o "Teatro Infantil Central de Moscova", laiábase a miúdo de que a música sinfónica non fose accesible para nenos e nenas por ser complexa demais. Por iso, propúxolle ao compositor Sergéi Profofiev crear un conto de fadas musical, para que os máis pequenos descubrisen os sons dos diferentes instrumentos. Prokofiev, intrigado pola proposta, compuxo a obra Pedro e o lobo (que en O pastor mentireiro) en só catro días, e estreouse en Moscova en 1936. Case 90 anos despois, a actriz galega Laura Sarasola contará a historia de Pedro ás niñas e nenos de Pontevedra acompañada pola Camerata Arven, que interpretará un arranxo para 10 instrumentistas.
Laura Sarasola é actriz, creadora e directora teatral, e diplomada como mestra de Educación Primaria. Desde os seus comezos no teatro profesional, compaxinou a actividade interpretativa coa de mestra, impartindo clases de teatro a nenos e adultos. Obtivo unha bolsa pola Deputación da Coruña para formarse con Juan Pastor no centro de interpretación Guindalera Escena Abierta de Madrid. Tamén ten formación en voz, danza, teatro físico, de máscara e monicreques. Traballou en teatro para adultos e para nenos, centrándose nos últimos anos na creación específica de espectáculos para público infantil e familiar, dentro de Caramuxo Teatro.
Duración: 40 min
Idades: TP
Actriz: Laura Sarasola
PROGRAMA
SERGÉI PROKOFIEV (1891-1953)
Pedro e o lobo
(Arranxo para 11 instrumentos de Iago Lariño, para Camerata Arven)
