O Espazo +60 Ourense celebra o Día Internacional do Voluntariado cun recoñecemento ás persoas maiores voluntarias

O día 5 de decembro, celebrase o Día Internacional do Voluntariado baixo o lema "Os voluntarios: primeiros en actuar, aquí, en todas partes" e o Espazo +60 Ourense de Afundación dedicará un recoñecemento ás súas persoas voluntarias cunha chocolatada. Aproveitando a xornada, o voluntariado do centro fará entrega do “Cheque solidario” coa cantidade recadada durante o ano pola venda de produtos da “Tenda solidaria” á Asociación Española Contra o Cancro de Ourense.

No Espazo +60 Ourense desenvolvense varias actividades de voluntariado cultural, social e comuntario, con actuacións dos grupos artísticos do centro en favor de ONGs, residencias e centros de día, ou destinadas ao público infantil. Por outra banda realiza unha importante actividade de voluntariado interxeracional, con persoas maiores participantes no programa de Afundación “Fálame da emigración”, que participan en encontros con alumnado de secundaria sobre a historia da emigración galega.  

Outra destacada actividade do Espazo +60 é o Taller de Reciclaxe Solidaria, dirixido por un monitor voluntario, e no que os maiores participantes realizan traballos con materiais que achegan o resto dos socios que acuden ao Espazo +60. O resultado destes traballos véndese na Tenda Solidaria, cuxos ingresos se destinan ao proxecto “O carriño de Don Amable”, da Asociación Contra o Cancro de Ourense.