EcoFashion Show. Espazo +60 Ferrol

A Sede Afundación de Ferrol acolle o 5 de xuño EcoFashion Show, unha pasarela benéfica organizada polo Espazo +60 de Ferrol e Xeración para presentar as pezas de roupa e accesorios confeccionados nos obradoiros de creación téxtil. Non a perdas!

Baixo o fío condutor do Día Mundial do Medio Ambiente, esta gala ten como obxectivo abrir unha reflexión sobre a maneira en que percibimos a industria da moda ao tempo que creamos pontes interxeracionais. Así, na pasarela desfilarán tanto mozos e mozas participantes no intercambio internacional EcoFashion coma maiores [email protected] do Espazo +60 de Afundación. Todos xuntos crean esta gala benéfica para presentar as pezas de roupa e accesorios confeccionados nos obradoiros de creación téxtil dos seus respectivos proxectos. As pezas presentadas serán postas á venda na Tenda solidaria, cuxos beneficios irán destinados a apoiar o labor da Cociña Económica.  

EcoFashion é un proxecto internacional desenvolto dentro do programa Erasmus+ que busca concienciar a xuventude europea sobre o impacto da industria da moda na sociedade e no medio ambiente á vez que explora e constrúe solucións alternativas. Vinte e catro mozos e mozas de entre 18 y 24 anos procedentes de 4 países (España, Eslovaquia, Romanía e Italia) reúnense co fin de analizar conxuntamente os efectos negativos que a produción industrial de roupa provoca no mundo. A través de diferentes presentacións e debates, os participantes descobren a realidade da moda ao longo do continente así como alternativas sostibles que triúnfan noutros países. Todo isto combinado con obradoiros prácticos e interactivos onde os participantes teñen a oportunidade de crear unha marca de roupa sostible e de deseñar e producir pezas de roupa e complementos ecofriendly con materiais reciclados.