Xoga e adestra o teu cerebro: xadrez saudable, Espazos +60

Se queres adestrar a túa mente con exercicios de memoria e atención á vez que te divirtes con outras persoas, propoñémoste a actividade XADREZ SAUDABLE.

Realizarás centos de exercicios, baseados no taboleiro de xadrez, para exercitares a memoria, a atención, o razoamento e a percepción. Non é necesario saber xogar ao xadrez, só usaremos o taboleiro e as pezas como ferramenta.

O curso será impartido por profesionais do Espazo+60 Afundación formados polo Club de Ajedrez Magic de Extremadura no Método ECAM: Adestramento Cognitivo a través do Xadrez, que tomando como base o xadrez, deseñou máis de trescentas baterías de exercicios que traballan as capacidades perceptivas, de atención, de memoria, de razoamento e das funcións executivas cerebrais. O creador da metodoloxía é o psicólogo Juan Antonio Montero, que dirixe esta faceta social do club.

 

ACTIVIDADE GRATUÍTA. APÚNTATE NO TEU ESPAZO +60!

Espazo +60	Datas	Día	Horario
A Coruña	6 out. a 21 xuñ.	1º e 3º ven.	9.30 a 11.00 h
Ferrol	6 out. a 31 mai.	ven.	11.00 a 12.00 h
Santiago	13 out. a 15 dec.; 12 xan. a 15 mar.; 22 mar. a 31 mai.	ven.	11.00 a 12.00 h
Betanzos	2 out. a 18 dec.	lun.	17.00 a 18.00 h
Monforte	5 out. a 30 mai.	xov.	17.00 a 18.00 h; 18.00 a 19.00 h
Vigo	consultar	xov.	17.00 a 18.00 h
Pontevedra	out. a xuñ.	consultar	consultar