Concerto ORQUESTA CLÁSICA DE VIGO en Vigo

O concerto para violonchelo e orquestra, composto en 1919 por Edward Elgar, é unha das pezas máis recoñecidas para este instrumento, sobre todo tras o paso na década dos anos 60 do século pasado polas mans de Jacqueline du Pré, artista que elevou esta obra á súa categoría actual. Este concerto trátase dunha obra complexa, visceral e única que será interpretada polo solista Guillermo Pastrana.

Por outra banda, este programa será completado coa interpretación da suite xaponesa de Gustav Holst, unha peza bastante inusual deste compositor británico que comparte época e estilo e nacionalidade co anterior. Estas dúas obras conforman unha visión do mundo dende unha escoita británica.

Este concerto estará precedido pola estrea de Tempestas, composta polo galego Ismael Amoedo, artista gañador no ano 2019 do certame CreaClásica, nunha aposta da Orquesta Clásica de Vigo pola creación contemporánea.

Programa:

Tempestas, de Ismael Amoedo Collazo (Estrea)
Concerto para violonchelo e orquestra op. 85, de E. Elgar
Suite xaponesa op. 33, de G. Holst

Solista: Guillermo Pastrana
Dirixe: Manuel Martínez Álvarez-Nava