Segundo ciclo "COIDAR O COIDADOR INFORMAL" - Cátedra ABANCA-AFUNDACIÓN / ICADE Lonxevidade, Economía e Sociedade

A Cátedra "ABANCA-AFUNDACIÓN/ICADE Lonxevidade, Economía e Sociedade" de Afundación Abanca e a Universidad de Comillas organizan o segundo ciclo "Coidar o coidador informal", dirixido a coidadores informais e/ou familiares de persoas maiores dependentes.

Estás coidando do teu pai/nai e non sabes como facelo? Sénteste superado por coidar a túa parella? Estás ante decisións ou situacións e non sabes como actuar nin cal é a mellor forma de proceder? Nestas sesións queremos abordar os diferentes aspectos do coidado dos nosos seres queridos cando sexan maiores e precisen da nosa axuda.

Traballaranse aspectos como cal pode ser a evolución da necesidade de coidados para prepararnos, coidados máis sanitarios (coidados posturais, como mobilizarse, incontinencia, etc.); os posibles sinais de alarma que indican que a situación comeza ou xa nos está superando, estratexias para coidar coidándose (abranguendo tanto aspectos emocionais, como de saúde e espirituais); pautas de como facelo cando os límites da ética e da humanización non están claros; coidados ao final da vida e axudar a atopar un sentido e unha gratificación nos coidados.

Que é?

Encontros entre coidadores informais e/ou familiares nos que un recoñecido relator abordará un tema relacionado co coidado e o autocoidado, abrindo un espazo de debate onde se poidan compartir experiencias co relator e entre os coidadores informais.

A quen vai dirixido?

A coidadores familiares e/ou informais de persoas maiores dependentes.

Onde?

Por videoconferencia

Cando?

Dous mércores ao mes. O 1.º e 3.º mércores de mes

A que hora?

De 10.00 a 12.30 horas.

Inscricións

Formulario online da próxima sesión 

Contido das sesións:

2 de outubro: Que significa ser coidadora ou coidador? A experiencia do coidar

Relatora: Lucía Jiménez, Doutora en Psicoloxía e Profesora na URJC, experta en estrés e benestar. 

Obxectivos da sesión:

• Definir quen é un coidador informal.
• Analizar as motivacións e circunstancias que levan a unha persoa a asumir o rol de coidador

Contidos: Nesta sesión responderanse as seguintes preguntas: quen é o coidador? Requírense sempre os mesmos coidados? Que nos levou a coidar?

16 de outubro: Como manexo os coidados e que consecuencias ten sobre min

Relatora: Blanca Almanza. Máster en Psicoloxía e especialista en terapia cognitivo-conductual. 

Obxectivos da sesión:

• Identificar as posibles consecuencias físicas e emocionais do coidado no coidador.

• Recoñecer os signos de sobrecarga e a importancia do autocoidado.

Contidos: Aproximación ás posibles consecuencias que a tarefa de coidado pode ter na saúde do coidador, así como nas súas relacións sociais e familiares. Coñecer os sinais de alerta de sobrecarga e a necesidade de autocoidado.

6 de novembro: Coidando o mellor posible

Relatores: Dra. Mª Jesús Martínez Beltrán. Doutora en Biomedicina e Ciencias da Saúde e Dr. Daniel Fernández Robles. Profesor na Facultade de Enfermería da UPC e Máster en Coidados Paliativos.

Obxectivos da sesión:

• Proporcionar coñecementos básicos sobre o aseo e hixiene da persoa dependente.
• Instruír na adecuada mobilización dos pacientes con mobilidade limitada.
• Educar sobre a prevención e tratamento das úlceras por presión e incontinencia.
• Proporcionar ferramentas para a prevención e manexo das caídas.
• Recomendacións para a saúde do coidador, practicando na aula.

Contidos: Abordaranse aspectos como os coidados posturais do coidador, como mobilizar o paciente con pouca mobilidade, hixiene, prevención e cura de úlceras por presión, incontinencia, saúde do coidador, etc.

20 de novembro: Benestar emocional do coidador. Estratexias para coidarse coidando I. Autocoidado emocional 

Relatora: Dra. Mónica Torres. Doutora en Psicoloxía e profesora da UAM

Obxectivos da sesión:

• Aplicar estratexias para xestionar o estrés diario.

• Promover a autoempatía e a xestión emocional.

• Fomentar a motivación para hábitos saudables e de autocoidado.

4 de decembro: Benestar emocional do coidador II. O coidado da mente

Relatora: Dra. Laura Bermejo. Doutora en Psicoloxía e profesora da UPC, experta en psicoloxía do ciclo vital e familia. 

Obxectivos da sesión:

• Identificar e definir pensamentos disfuncionais.

• Practicar actividades de autorreflexión para recoñecer pensamentos negativos.

• Aprender técnicas de reestruturación cognitiva.

Contidos: Definición e exemplos de pensamentos disfuncionais. Realizaranse actividades de autorreflexión para identificar os pensamentos propios para reestructuración dos pensamentos negativos.

22 de xaneiro de 2025: Benestar emocional do coidador III. Xestión da culpa e o autoperdón

Relatora: Dra. María Prieto. Doutora en Filosofía e profesora da UPC, experta en psicoloxía do perdón, estrés e reconciliación. 

Obxectivos da sesión: 

• Diferenciar entre culpa construtiva e destrutiva.

• Identificar fontes de culpa na labor de coidado.

• Practicar exercicios de autocompaixón e autoperdón.

Contidos: Traballarase a diferenza entre culpa construtiva e destrutiva. Realizaranse actividades de identificación de fontes de culpa, así como exercicios de autocompaixón e perdón persoal.

5 de febreiro de 2025: Benestar emocional do coidador IV. Aumento das actividades pracenteiras e Comunicación asertiva

Relatora: Arantza Yubero. Profesora na facultade de CC. Humanas e Sociais da UPC.

Obxectivos da sesión:

• Recoñecer a importancia das actividades pracenteiras no benestar do coidador.

• Explicar o modelo de Situación, Pensamento e Consecuencias (S-P-C).

• Afirmar os dereitos do coidador e promover a comunicación asertiva.

Contidos: A importancia das actividades agradables. Explicación do modelo Situación, Pensamento e Consecuencias (S-P-C). Explicación dos dereitos do coidador.

19 de febreiro de 2025: Benestar espiritual do coidador

Relator: Dr. Javier de la Torre. Doutor en Dereito e profesor da Facultade de Teoloxía da UPC. 

Obxectivos da sesión:

• Desenvolver recursos espirituais para afrontar os coidados.

• Facilitar a toma de decisións complicadas e asumir responsabilidades.

• Integrar a espiritualidade no coidado do familiar enfermo.

Contidos: Potenciar os recursos espirituais que nos permiten ver a vida doutra maneira, tomar decisións complicadas, asumir responsabilidades ou realizar tarefas que abranguen o coidado do familiar enfermo na súa totalidade.

5 de marzo de 2025: Recursos psicosociais

Relatora: Dna. Marta Cubero García. Profesora da Facultade de Ciencias Huamanas e Sociais da UPC. 

Obxectivos da sesión: 

• Identificar as necesidades da persoa maior ao longo do tempo.

• Coñecer os recursos psicosociais dispoñibles para os coidadores.

• Nova estratexia do sistema de coidados e novo sistema de apoio que se pode vincular coa parte da dependencia. Aprender a utilizar estes recursos nas diferentes etapas do coidado.

19 de marzo de 2025: Como coidar de forma ética e humana

Relatora: Dra. Mª Carmen Massé. Doutora en Teoloxía, Máster en Bioética e profesora da UPC. 

Obxectivos da sesión: 

• Promover a comunicación e a busca do sentido dos coidados.

• Comprender a dimensión ética dos coidados e as súas consecuencias na persoa atendida e no coidador.

• Aclarar conceptos e escenarios éticos para a xestión dos procesos de culpa.

Contidos:  Coidar non sempre é doado, pero hai que facelo o mellor posible, e para iso daranse unhas pautas de como facelo cando non estean claros os límites da ética e da humanización: respecto á autonomía das persoas, entendementos das caridades distorsionadas, os conflitos de valores, os difíciles límites da vida, da morte e da dignidade, etc.

2 de abril de 2025: Coidar o fin da vida

Relator: Dr. Antonio Ramos Sánchez. Doutor en Ciencias da Enfermería e Máster en Coidados Paliativos e profesor da UPC.

Obxectivos da sesión: 

• Comprender o que son os coidados paliativos.

• Coñecer as necesidades e os medos do coidador.

• Aprender a proporcionar unha atención adecuada en cada etapa.

• Apoiar o coidador no proceso de acompañamento dun enfermo ao final da súa vida.

Contidos:  Esta sesión está especialmente dirixida a persoas que acompañan un paciente na última etapa da súa vida, co obxectivo de que coñezan as diferentes etapas psicolóxicas polas que pode atravesar o paciente, saiban actuar en cada unha delas e aprendan a proporcionarlle os coidados máis axeitados.

7 de maio de 2025: Busca de sentido ao coidado, ás experiencias, emocións e vivencias

Relatora: Dra. Macarena Sánchez-Izquierdo. Doutora en Psicoloxía e profesora da UPC. 

Obxectivos da sesión: 

• Explorar conceptos de crecemento persoal e resiliencia nos coidados.

• Identificar aspectos positivos e recompensas do coidado.

Contidos: Traballaranse conceptos como o crecemento persoal, a resiliencia, os aspectos positivos dos coidados, o significado, a reconciliación, así como diversas recompensas do coidado na saúde.