Obradoiro de recuperación do patrimonio inmaterial e a memoria interxeracional, Espazo +60 Santiago

Desde unha aproximación biográfica e a través do traballo coa memoria individual, as persoas que participen neste obradoiro aportarán as súas testemuñas para manter e conservar a memoria colectiva e o patrimonio cultural inmaterial: festas, tradicións, costumes, literatura de transmisión oral, etc... 

Nesta edición traballarase sobre as festas populares e as súas tradicións: o Entroido, Nadal, o magosto e outras. As accións traballaránse cun enfoque participativo onde os verdadeiros protagonistas, os portadores, son as persoas socias do Espazo +60 Afundación que voluntariamente achegarán as súas experiencias como “patrimonio vivo”.

Esta acción forma parte do programa "O valor da experiencia" da área de Envellecemento Activo de Afundación, que ten como finalidade potenciar o papel activo das persoas maiores na sociedade, favorecer o desenvolvemento de accións interxeracionais e de voluntariado.