Esta biblioteca situada nas Travesas posúe unha sala de lectura con capacidade para 100 persoas. Conta con máis de 16 000 monografías impresas para a súa consulta e préstamo. Para acceder ao servizo de préstamo a domicilio e internet co equipo de consulta prolongada é necesario posuír o cartón de lector. A biblioteca é de acceso libre, pódense consultar en sala libros, revistas, prensa e acceder a internet a través da rede wifi ou mediante o equipo destinado a consultas rápidas sen necesidade de se facer socio.
Consulta a Carta de servizos da Biblioteca Travesas Afundación. PDF-1.80 Mb
Servizos
- Sala de lectura con capacidade para 100 persoas
- Información bibliográfica
- Préstamo a domicilio para persoas socias
- Reserva de publicacións
- Dous equipos informáticos de consulta do catálogo da biblioteca
- Dous equipos informáticos públicos
- Zona específica con cobertura wifi libre e gratuíta
- Zona infantil e xuvenil
- Recuncho de intercambio de libros
Información bibliográfica
O persoal da biblioteca resolverá calquera dúbida respecto ao funcionaminto da mesma, os seus fondos e bases de datos, e colaborará na procura bibliográfica.
Consulta y lectura en sala
As persoas usuarias poden consultar todos os materiais de libre acceso e solicitar aos encargados da biblioteca os documentos que se atopan no depósito.
Préstamo a domicilio
Para acceder ao servizo de préstamo a domicilio é necesario posuír o cartón de lector. Cada vez que se acceda a este servizo, anotarase nunha papeleta de préstamo os documentos ―monografías, publicacións periódicas (nunca no mes vixente) e DVDs― que se desexen solicitar.
Co cartón de lector pódese ter en préstamo ata 5 documentos ao mesmo tempo:
- 3 libros ou revistas durante 15 días
- 2 DVDs durante 7 días
O préstamo a domicilio dos libros e revistas pódese renovar por un período de 15 días máis, sempre e cando non estean reservados por outra persoa e a prórroga se solicite antes de que finalice o prazo de entrega. En ningún caso a prórroga do préstamo a domicilio será automática, senón que se deberá solicitar persoalmente, por teléfono ou por mail.
O préstamo a domicilio dos materiais especiais non admite renovación.
O préstamo e a devolución dos documentos teñen carácter persoal e individual.
Os períodos de préstamo e o número de documentos poden ser ampliados en tempadas especiais, coma o verán ou vacacións, ou reducido cando algúns documentos sexan moi solicitados. Así mesmo, cando o considere xustificado, poderá autorizar a retirar un maior número de volumes e un prazo de tempo maior a determinados lectores e en circunstancias concretas.
Se no momento de solicitar o préstamo a domicilio a persoa usuaria non levase consigo o cartón de lector, excepcionalmente e a criterio do encargado do servizo de préstamo, poderá acreditar a súa identidade con outro documento que o identifique.
O servizo de préstamo finaliza 15 minutos antes da hora de peche.
Préstamo colectivo a entidades
É un servizo que se ofrece a asociacións, institucións, grupos culturais e outros colectivos. O director da entidade solicitará o cartón de lector e autorizará a unha ou dúas persoas responsables.
A biblioteca determinará, en cada caso, as condicións deste préstamo.
Reserva de publicaciones
Cando un libro ou revista estea prestado pode ser reservado por outra persoa usuaria. Cada socio pode reservar un máximo de 2 documentos (queda excluído o material audiovisual), e cada documento admite un máximo de 5 reservas.
Unha vez que se produza a devolución, activarase a reserva e comunicarase por teléfono á persoa interesada, que a deberá recoller na biblioteca nun prazo de 3 días. As persoas usuarias que non recollan os documentos reservados non poderán realizar reservas no prazo dun mes.
Cando unha persoa deixe de estar interesada nun documento previamente reservado, deberallo comunicar á biblioteca.
As persoas usuarias con libros pendentes de devolución ou suspendidos temporalmente do servizo de préstamo non poderán realizar reservas.
Horarios
- 1 de outubro ao 14 de xuño:
Luns a venres 10.00 a 13.30 e 16.00 a 20.00 h.
Sábados 10.00 a 13.30 h.
- 15 de xuño ao 30 de setembro:
Luns a venres 9.00 a 14.00 h.
- Mes de agosto, pechada.
Localización
Ver mapa más grande
Asóciate
O cartón de lector ou carné de socio é gratuíto, formalízase no mostrador de información e é válido para as tres bibliotecas Afundación de Vigo. É imprescindible para acceder ao servizo de préstamo a domicilio e ao servizo de internet co equipo informático público de consulta prolongada.
Requisitos:
- Cumprimentar a solicitude do cartón de lector onde se recollen: os datos persoais, a aceptación das normas de funcionamento da biblioteca e a LOPD.
- Entregar unha fotografía tamaño carnet para o cartón de lector.
- No caso de usuarios menores de idade, a solicitude farase cun modelo específico que deben asignar os pais ou titor legal.
O carné de lector non se poderá ceder a ningunha outra persoa, excepto nos casos previstos nesta normativa:
- Só os pais ou titores das persoas socias menores de 14 anos estarán autorizados para retirar documentos da zona infantil co cartón de lector dos seus fillos.
- As perosas socias que por motivos persoais, familiares ou laborais, non poidan facer uso do préstamo a domicilio durante o horario de apertura da biblioteca poderán autorizar a outra persoa para que lles recolla os préstamos. É necesario cumprimentar o impreso de Autorización de uso do cartón do lector que se facilita na biblioteca.
A persoa asinante responsabilízase da veracidade dos datos achegados, declara ter lido as condicións relativas á LOPD que figuran no anverso e obrígase, como socio desta biblioteca, ao cumprimento do réxime de utilización dos servizos e instalacións da mesma, así como das normas e pautas de comportamento que rexan nos seus centros, asumindo as responsabilidades que no seu caso se poidan derivar do seu incumprimento.
Cando os datos do lector sufran algunha alteración (cambio de domicilio, teléfono...) deberase informar a biblioteca.
É responsabilidade da persoa usuaria comunicar á biblioteca o extravío do seu cartón de lector.
As persoas socias menores de idade renovarán o cartón ao cumprir 18 anos.
A xestión das persoas socias (datos, préstamos...) realízase co Programa Biblio3000.
Descarga a ficha de socio maior de idade PDF - 550 kB
Descarga a ficha de socio menor de idade PDF - 550 kB
Descarga a ficha de servizo de préstamo colectivo a entidades PDF - 583 kB
Descarga a autorización de uso da tarxeta de lector por outra persoa PDF - 540 kB
Contacto