ANTÚNEZ POUSA

Procedente dunha familia de canteiros, o granito de Galicia, a súa peculiar textura e morfoloxía, influíron na obra deste escultor capaz de obter da materia expresións moi persoais. Deuse a coñecer en certames coma o de plástica galega, con motivo do centenario de Caixavigo, aportando obra de interese na súa sexta exposición. Realizou monumentos e traballos para espacios públicos en diferentes lugares de Galicia, entre eles o dedicado a Domingo García Campos na súa parroquia natal. As esculturas de Antúñez vencéllanse a modos de expresión vagamente referenciados coa realidade. Xoga coas curvas, as oquedades e as rugosidades, exaltando a morfoloxía da materia. Ás veces, acusa a influencia do desaparecido Xoán Piñeiro.