Comentarios
De forma natural e espontánea Penalas exercítase sobre o papel con trazos libres que constrúen un grupo con referencias a corpos humanos, con dominio do espacio e as proporcións. Pode ser un exercicio de estructuración e preparación para unha obra escultórica posterior, pero tal e como o espectador a ve é xa un resultado cunhas connotacións precisas. A inmediatez da man do artista, a frescura da súa expresividade e as múltiples suxerencias que xorden das súas ideas son o fundamento da súa arte.
