Comentarios
A través dunha trama de formas rectangulares, recortadas nunha cartolina sobreposta ó soporte, podemos ver unha serie de imaxes, distribuídas cunha ordenada confusión de lembranzas, de sensacións vividas que, reunidas así, protagonizan unha nova historia. A obra está construída coma se fose unha colaxe na que se integran papeis pegados, frases escritas e imaxes superpostas, próximas ás anamorfoses de Dalí.
EXPOSICIÓNS: Teatro Principal de Pontevedra, poxa a beneficio dos damnificados polo furacán Mitch, 1999.
BIBLIOGRAFÍA: "Pontevedra con Centroamérica", catálogo editado pola Deputación Provincial de Pontevedra, coa obra reproducida na páx. 45.
