PAISAJE CON TEJADOS ROJOS
- INV:
- 3750
- Año de creación:
- 2003
- Dimensiones:
- 54 x 65 x 0
- Técnica:
- Óleo sobre lenzo
Comentarios
A obra pertence a unha serie de catro pezas nas que o seu autor recrea unha paisaxe campestre idílica, apenas esbozada. Na titulada “Paisaxe con tellados vermellos” descubrimos tres casas enfiladas tras unha árbore que se erixe en primeiro plano. A primeira das casas mostra o tellado vermello que lle dá título á obra.Como caracteriza esta etapa pictórica de Leopoldo Varela, a imaxe aparece apenas esbozada, esquemática na súa composición, co que lle cede todo o protagonismo da obra á técnica empregada e á intensidade cromática conseguida. A escena constrúese a partir de cores acesas de grande intensidade: o vermello do tellado, que lle achega o contrapunto cálido á escena desde o centro desta, os azuis do ceo e mesmo os verdes do campo e da árbore son os verdadeiros protagonistas. A obra constrúese a partir de retortas e grosas pinceladas cargadas de densidade que lle confiren un aspecto claramente matérico, convertendo a súa contemplación nun exercicio case tan visual coma táctil.