ÓRBITA BEREBERE
- INV:
- 3888
- Año de creación:
- 1990
- Dimensiones:
- 150 x 112 x 0
- Técnica:
- Litografía-Xilografía.Exemplar 3/3.
Comentarios
Estamos ante unha espléndida obra que xustifica por si soa a clasificación do seu autor como un dos grandes mestres do gravado de todos os tempos. Un artista que se implica e que realiza persoalmente todos os pasos de estampación, dende as matrices ata a estampación última.A obra Órbita Berebere pertence á década dos 90, á época na que a combinación de litografía e xilografía lle permite descubrir e investigar novos volumes, profundidades e relevos. Un pleno dominio das técnicas de estampación que o anima a lanzarse a temas tan ambiciosos e complicados coma o cosmos. Nesta serie desaparece a arquitectura para dar paso ao espazo cósmico a onde Jesús Núñez nos envía da man da nosa imaxinación. A escena enriquécese co que parecen ser misteriosos petróglifos, arqueoloxías evocadas e todo un mundo de símbolos e composicións que nos trasladan a un mundo máxico e misterioso de extraordinaria beleza.
O obxectivo de Jesús Núñez de elevar o gravado á categoría que merece, parella á pintura, á escultura ou ao resto das grandes artes, parece conseguido á luz de obras da categoría desta.