Comentarios
Dúas mazorcas soas, separadas da planta, adquiren gran protagonismo nun espacio evocado con exquisita entoación de clarescuros e luces, que realzan a plástica das espigas, xogando coas follas, que adoptan distintas e suxerentes figuras. A pintora extrae do grafito un variado rexistro tonal que, unido ao peculiar brillo do lapis, envolve o conxunto nunha atmosfera máxica que nos traslada mais alá da súa referencia real.
