TRASMALLO
- INV:
- 9268
- Año de creación:
- 2002
- Dimensiones:
- 217 x 43 x 43
- Técnica:
- Arame de ferro e números de poliéster
Comentarios
Como non podía ser doutra maneira, o título actúa coma un chisco ó espectador, coma unha metáfora que desvela a verdadeira función da peza, o seu destino de apresadora de números, signos moi presentes na poética do autor.A estrutura aérea, vertical, conformada por retorcidos arames de ferro conseguen, ó igual que as artes do trasmallo, atrae-los escorregadizos díxitos de poliéster que penden atrapados no interior. Sorprenden as posibilidades cromáticas e plásticas, a harmoniosa combinación do plástico azul cos tons oxidados do metal.
A asimilación do monolito coas redes converte a Marcos Juncal nun artesán redeiro que pesca o exacto, o matemático, nun facedor de obxectos que traballa con habilidade o racional e o preciso para mesturalo co desorde e o caos.