Continúa a nova Tempada de Música Clásica de Afundación
Afundación, a Obra Social de ABANCA, continúa á súa nova Tempada de Música Clásica organizada en colaboración coa Sociedad Filarmónica de Vigo no Teatro Afundación de Vigo e enmarcada no programa solidario de innovación social «Cultura por alimentos». Inclúe seis concertos a cargo da Real Filharmonía de Galicia e catro a cargo da Orquesta Sinfónica de Galicia. En liña coa promoción social da cultura, Afundación ofrece ás persoas menores de 35 anos as entradas a 5 euros media hora antes do comezo dos recitais.
O segundo recital protagonízao a Real Filharmonía de Galicia o 27 de xaneiro, con dirección e clave de Jonathan Cohen, e cun repertorio consistente en pezas de Antonio Vivaldi, Johann Sebastian Bach, Pietro Locatelli, Francesco Geminiani e Franz Joseph Haydn.
As imaxes están dispoñibles aquí.
A PROGRAMACIÓN DOS SEGUINTES CONCERTOS
Todos os recitais incluídos na Tempada de Música Clásica terán lugar no Teatro Afundación de Vigo (Policarpo Sanz, 13) ás 20.00 h.
O día 10 de febreiro retornará a Real Filharmonía de Galicia cun recital dirixido por Joana Carneiro e coa soprano María Hinojosa Montenegro.
O 10 de marzo a Real Filharmonía de Galicia regresará baixo a dirección de Marc-Leroy Calatayud e coa soprano Natalia Labourdette.
O 29 de marzo a Real Filharmonía de Galicia estará dirixida por Diego Martín Etxeberría.
O xoves 27 de abril a Orquesta Sinfónica de Galicia contará coa dirección de Lina González-Granados e a solista violín Alexandra Conucova.
O venres 5 de maio regresará a Real Filharmonía de Galicia coa dirección de Paul Daniel e co violín de Nemanja Radulovic.
O xoves 18 de maio volve ser a quenda da Orquesta Sinfónica de Galicia con dirección de Antonello Manacorda e a solista de violín Liza Ferschtman.
O mércores 24 de maio a Real Filharmonía de Galicia contará coa dirección de Jordi Francés.
Para finalizar, o 8 de xuño, Dima Slobodeniouk dirixirá a Orquesta Sinfónica de Galicia.