Comentarios
A obra está realizada antes de que o pintor fose a Roma pensionado pola Deputación da Coruña. Plasma unha escena da vida cotiá nunha aldea. Unha muller, diante dun tendal de roupa, vólvese para reprender ós nenos que discuten por un anaco de pan. O cesto coa roupa no chan, as paredes descascadas e a perspectiva da rúa sen pavimento, ambientan unha escena sincera na que o artista demostra a súa capacidade de observación para reproduci-lo atavío popular. O debuxo, firme, contén os xestos, e vese realzado polo rico colorido, aplicado con materia lisa, resaltando o resplandor do branco xunto ó azul e vermello dos panos.
