ESCENARIO
- INV:
- 2589
- Año de creación:
- 1995
- Dimensiones:
- 142 x 111 x 0
- Técnica:
- Óleo sobre lenzo
Comentarios
Dúas siluetas, un home e unha muller, ocupan o silencio dun escenario. As figuras están lixeiramente intuídas, non son tanxibles, redúcense a simples liñas que deixan traspasar o baleiro.
Os corpos preséntanse enlazados, unidos, sobre un fondo marelo-verdoso plasmado cunha pincelada varrida que non é capaz de ocultar a trama do lenzo e acentúa a atmosfera envolvente e misteriosa da obra.
Os dous tons, marelo e verde, combínanse para captar a luz esmorecida e suxeriren o ambiente percibido dende dentro do escenario, presentindo a penumbra e quizais o medo dos actores ante a escena, o esforzo que implica deixar atrás o seu verdadeiro eu para volverse transparentes e converterse en narración, en historia.