RUINA

Comentarios

A obra responde á presenza constante do mar na obra deste Ramón Trigo. Neste caso, o tema elixido evoca unha barca de madeira desmembrada, desfeita probablemente polo azoute dalgún vendaval.

A potencia visual do tema vaise resaltando polo uso da arpilleira como base para a obra, unha densidade e aspereza que supoñen un grande acerto, ao multiplicar a forza expresiva do resultado.

As cores azuis e amarelas protagonistas da composición réstanlle dramatismo á escena, botando unha luz intensa e potente, pero tranquilizadora. O resultado final, malia o tema elixido, non produce angustia, senón unha misteriosa atracción, que é unha constante nas obras deste autor.