Comentarios
A concepción da composición vai máis alá do retrato, conxugando a cor, a perspectiva e o debuxo, co equilibrio psíquico da figura, que transmite o seu estado de ánimo cun alento íntimo que repercute na soidade calada da habitación. A pincelada deixa a súa marca de maneira atrevida sobre o chan, subliñando a perspectiva da estancia. Orquestración de verdes, con ocres, amarelos e marróns.
