Comentarios
Sobre o tronco dunha árbore de bronce érguese unha figura feminina cun rapaz no colo, esculpidos en pedra negra. Os corpos, envoltos nun manto que os cobre da cabeza aos pés, encérranse en si mesmos cun movemento encadeado a través das súas cabezas. A escultura, de formas sintéticas, exenta de detallismos, diferencia os rostros deixando sen pulir a pedra. A pequena escultura, colocada no punto central dun círculo, achégase a certo simbolismo contemplativo.
