Comentarios
A figura, de bronce, apóiase nun tronco de madeira que forma parte da escultura. É unha figura de formas simplificadas na que se eliminou todo trazo fisonómico para concentrarse na forza expresiva que parte do interior da peza, reducida a un esquema de formas curvas que lle proporcionan lixeireza e expresividade. A superficie puída e brillante do metal contrasta con zonas de acabado rugoso e áspero que lle dá á obra un acento palpitante de influencia rodiniana.
