Máscaras

Comentarios

A actitude innovadora de Maruja Mallo maniféstase tanto na súa proxección artística como persoal. Asídua da residencia de estudiantes, foi unha das surrealistas máis orixinais. Amaba a orde e a xeometría, o que a levou a formar parte do grupo constructivo fundado por Torres García en 1933. En 1937 chegou a Arxentina. A súa estadía no continente americano, o contacto coa súa xeografía e as súas xentes, influíu na súa pintura, iniciando unha nova liña de traballo con naturezas vivas, retratos, máscaras e outras series dentro dunha plástica clara e luminosa. No presente óleo, cunha preocupación pola textura do fondo, fai resaltar dúas caras, de fronte, con distintas expresións, sobre o mar dunha praia, entre pequenas figuras musculosas que con gráciles movementos executan pasos de danza ou de ximnasia. A primeira vez que expuso cadros de máscaras foi en 1950 na Galerie Silvagni de Paris, Quai Voltaire 11. As máscaras como tódalas súas obras, están impregnadas dun hálito máxico, cun carácter propio, dificilmente encadrable en ningunha tendencia.

Exposiciones

"Colección Caixanova. Unha visión da arte contemporánea galega".  Auditorio de Galicia. Santiago de Compostela.  Do 26 de abril ao 28 de xullo de 2002. Pazo da Cultura. Pontevedra. Do 3 de outubro ao 30 de novembro de 2002.

"Mujeres artistas". Fundación Caja Castellón. Sala Bancaja San Miguel. Castellón. Do 12 febreiro 2008 ao 30 marzo 2008.

Creadoras del s XX" Museo de Bellas Artes de Granada. Do 23 de octubro 2009 ao 10 xaneiro 2010