El retorno del patriarca

Comentarios

Cunha presentación escenográfica somérxenos nun mundo de fantasía, cunha iconografía propia, froito da imaxinación do pintor. O patriarca cabalga sobre un cabalo enxaezado, portando un facho no que as lapas se espanden pola atmosfera onda paxaros exóticos, que o preceden co seu voo. A torre do castelo convértese nunha silueta de muller, acompañada por unha dama, un pavo real e outras personaxes. É unha pintura plana con dominio das liñas curvas e os puntos, elementos que por si sós constitúen unha excelente factura decorativa. Prodúcese unha harmonía entre os laranxas, negros, grises e brancos.

Exposiciones

"Artistas Gallegos en la Colección C.A.M.V.", do 5 ó 28 de setembro de 1986, na Sala de Exposicións do Centro Cultural Caixavigo; "Artistas Gallegos en la Colección Caixavigo", itinerante no Museo M. de Ourense, no Museo do Pobo Galego, Santiago, Kiosko Alfonso, A Coruña, novembro e decembro de 1988 e xaneiro de 1989; "Artistas Galegos na Colecçâo Caixavigo", Casa D. Hugo, Porto, do 29 de xuño ó 13 de xullo de 1989.

" Mario Granell". Casa da Parra. Santiago de Compostela. Do 28 de xaneiro ao 10 de marzo de 1997.

"Colección Caixanova. Unha visión da arte contemporánea galega". Centro Torrente Ballester. Ferrol. Do 21 de marzo ao 18 de abril de 2002. Pazo da Cultura. Pontevedra. Do 3 de outubro ao 30 de novembro de 2002.

"Espello do Mar". Museo do Mar de Galicia. Alcabre. Vigo. Del 30 de julio al 19 de octubre de 2003.