Galicia rural: Un debate contemporáneo sobre o rural en Galicia

O traballo do colectivo Arraianos desenvólvese fundamentalmente nos eidos histórico, cultural e social do territorio rural coñecido como Raia Seca, o espazo que se estende polas dúas beiras da fronteira entre Portugal e a provincia de Ourense, no que habitan comunidades arraianas escasamente diferenciadas social, económica e antropoloxicamente. 

Galicia rural é un proxecto editorial e documental, editado polo Ministerio de Agricultura, Pesca e Alimentación, para divulgar as reflexións sobre a problemática do rural en Galicia, con tres documentais en DVD, O tempo na Luparia, Cesteando e Fronteiras da enerxía animal, que conectan con esa nova conciencia global defensora dunha imprescindible ordenación do territorio para a sostibilidade do planeta.

Textos: Aser Álvarez, Plácido Romero, L. Martínez.