Lanzamos o novo programa +60 Online para activarse desde a casa e estar en todo momento conectados cos demais. Dámosche ferramentas para soportar moito mellor as limitacións de mobilidade que poidas ter, a través de lecer e aprendizaxe do teu interese, cultura para unha mellor saúde física e mental, e poderes seguir en plena forma.

+60 Online está dirixido a persoas maiores de 55 anos que teñan interese ou a necesidade de desenvolveren as súas actividades favoritas directamente desde a casa. Porque sabemos que é importante manterse activos e conectados con outra xente.

Incluímos propostas con diversas temáticas e en diferentes canles, adaptadas ás preferencias e aos coñecementos informáticos de cada persoa, de xeito que se poida seguir calquera das actividades desde o propio móbil de forma simple e directa.