Teatro SÍBARIS en Vigo

O Teatro Afundación Vigo, acolle o sábado 30 de setembro ás 20.30 h, a única obra de teatro de Domingo Villar, Síbaris. Trátase dunha obra póstuma que, agora, baixo a dirección de Lois Blanco, sobe ao escenario do emblemático recinto cultural da cidade olívica para render homenaxe a unha das grandes figuras das letras galegas contemporáneas.

 
As entradas para este espectáculo están á venda a través de Ataquilla.com.

 

Elenco | CARLOS BLANCO, BELÉN CONSTENLA, OSWALDO DIGÓN, PABLO NÓVOA

 
Vinte anos despois de que a publicación de Síbaris o convertese na estrela máis rutilante do firmamento literario, o escritor Víctor Morel non atravesa un bo momento: incapaz de escribir nada á altura das expectativas, leva demasiado tempo bloqueado e cunha situación económica cada día máis delicada. Laura, a súa muller, anímao a aceptar un convite da Universidade da Sorbona, disposta, coma tantas outras institucións, a pagar xenerosamente por unha lección maxistral do célebre autor, pero a primeira aparición pública de Víctor Morel en anos remata nun ataque de pánico e unha espantada antes de tempo. A vida dos Morel está para se afundir no desconsolo, cando Laura encontra unha saída...