A Sala de Exposicións Afundación de Ourense intégrase dentro das necesidades e inquedanzas dunha sociedade moderna e dinámica, sensibilizada cos problemas actuais, posuidora de ansias de formarse e de descubrir novas manifestacións culturais, así como preocupada polo progreso económico e o emprego.
Neste centro social abordamos todos os aspectos que incumben a unha obra social comprometida coa súa contorna e as súas xentes. A formación e a arte teñen cabida neste ambicioso proxecto.
Este edificio trátase dunha xoia arquitectónica situada en pleno barrio histórico. Reformamos totalmente o seu interior para transformalo nun atractivo edificio de espazos diáfanos e liñas modernas, conservando por completo a súa fachada tradicional, de gran valor artístico.
Plantas:
- Planta soto: Sala de exposicións
- Planta baixa (principal): Sala de exposicións
- Planta alta: Sala de exposicións, Unidade de Xestión de Afundación, Centro de Iniciativas Sociais e espazo para obradoiros.
Salas polivalentes: dúas salas polivalentes serven de apoio ao espazo expositivo e poden funcionar tamén como sala de recepcións, entre outros usos.
Características
A Sala de Exposicións Afundación de Ourense acolle o maior espazo expositivo da cidade con máis de 350 metros cadrados. Desde a Praza Maior pódese acceder directamente á sala de exposicións principal, unha gran nave de columnas cun eixo de iluminación cenital artificial, desde a que se accede á planta soto, un grande espazo diáfano que tamén utilizamos para exposicións. Ademais, nos laterais da nave principal disponse distintos altos que amplían a superficie de exposicióne empregamos coma espazo para obradoiros.
Dotamos este espazo expositivo dos máis modernos métodos de control de climatización e de iluminación, o que permite garantir unha temperatura constante e un intervalo de humidade adecuado para a conservación óptima das obras. Así mesmo, contamos con avanzados medios de control de seguridade e de extinción de incendios.
Horarios
Luns a venres de 17:30 a 20:30 h
Sábados, domingos e festivos de 12:00 a 14:00 e de 17:30 a 20:30 h.
Localización
Ver mapa más grande
Contacto