Desde que foi erixido, o inmoble que na actualidade ocupa a Sede Afundación de Ferrol non deixou de ter un papel protagonista na vida da cidade. Albergou sucesivamente o concello, o cárcere, o instituto de segundo ensino (onde impartiu clases Gonzalo Torrente Ballester) e o Goberno Militar.
Atópase na Magdalena, verdadeiro corazón de Ferrol, a escasos metros dalgúns dos edificios máis emblemáticos da cidade: o Mercado, o Teatro Jofre ou a Concatedral. A espazosa explanada peonil que se estende perante o edificio, a praza da Constitución que enlaza coa popular zona de paseo e lecer dos Cantóns de Molíns, resulta idónea para realizar actividades promocionais no exterior.
Tras a última reforma do edificio, concluída en 2005, este adquiriu a súa configuración actual. Grazas a unha rehabilitación respectuosa co pasado á vez que situada no presente, na que conviven de xeito harmonioso a pedra, o vidro, o aceiro e a madeira, convertemos este inmoble nun polivalente colector con multitude de posibilidades, ademais de ofrecer acceso universal, condición que o fai único na cidade.
Sede Afundación Ferrol.
Nos seus 4317 m², distribuídos en sete plantas, sitúanse, para alén do salón de actos equipado cos últimos avances tecnolóxicos, diversas salas para acoller exposicións, cursos, obradoiros, faladoiros e todo tipo de actos culturais e sociais.
Accesos
Autobuses. Paseo da Estación. Liñas: 1-b, 1-2, 3, 4, 7 e 9. Máis información da estación de autobuses de Ferrol.
Estación de trens. Paseo da Estación. Liñas: 1-b, 1-2, 3, 4, 7 e 9. Máis información da estación de trens de Ferrol.
Se precisas máis información, ou se che interesaría reservar algún espazo, contacta connosco nos teléfonos 981 330 280 ou no enderezo electrónico socioculturales@afundacion.org
