Conferencia "A química ao auxilio dos océanos" con DÉBORAH G. BELLO en AfundaciónTV
Déborah García Bello fálanos desde AfundaciónTV de como afectan ao océano e ao ecosistema mariño algunhas substancias (gases de efecto invernadoiro, filtros solares...) e tamén materiais (poñendo o foco nos plásticos, que son os que xeran maior controversia). Explicará en que consiste a acidificación dos océanos derivada do cambio climático, que ilustrará cun pequeno experimento.
DÉBORAH G. BELLO
Química e divulgadora científica. Investigadora en ciencia de materiais no Centro de Investigacións Científicas Avanzadas (CICA) da Universidade da Coruña onde desenvolve a súa tese de doutoramento en materiais aplicado á arte contemporánea. Traballa ademais como divulgadora científica e cultural en varios medios de comunicación: Televisión Española (Órbita Laika e La hora de la 1), La Sexta (Más vale tarde), Televisión de Galicia (Quen anda aí? e Aquelando), Radio Nacional (autora do espazo dedicado a ciencia e arte «Azul Ultramar» en La radio tiene ojos), Radio Galega (Galicia por diante e Efervesciencia), colaboradora habitual de EITB (Qué me estás contando), Telemadrid (120 minutos) e revistas como Vogue, Cosmopolitan e AD.
É a autora da columna semanal «Ciencia aparte» en El Muro de La Sexta. Presentadora do podcast de tecnoloxía e sustentabilidade «Hola Planeta» de Orange. Integra o equipo de formación e transferencia científica dos laboratorios do grupo L’Oréal: La Roche Posay e L’Oréal París. É profesora do mestrado en Cultura Científica da Universidade do País Vasco e da Universidade Pública de Navarra, e do mestrado en Educación en Museos e Espazos Culturais da Universidade Europea Miguel de Cervantes. Dirixe as xornadas Ciencia & Arte de Bilbao para o Museo Guggenheim, a Biblioteca Bidebarrieta e a Cátedra de Cultura Científica da UPV.
Recibiu numerosos premios pola súa actividade divulgadora, coma o Premio Prismas, Bitácoras e Tesla, entre outros. En 2019 foi escollida pola revista Forbes coma unha das persoas máis influentes na comunicación científica. Recentemente foi seleccionada coma unha das Top 10 Voices de saúde por LinkedIn e unha das tres mellores divulgadoras científicas en redes sociais nos Premios Boehringer, ambos pola súa cobertura na pandemia de COVID-19.
Autora dos libros «Todo es cuestión de química», «Que se le van las vitaminas» e «No tocar» na Editorial Paidós do Grupo Planeta.
Nas súas redes sociais @deborahciencia conta con máis de 200.000 seguidores.
E ademais, no ciclo ConCiencia Sustentable
3 XUÑ | José Luis Crespo
17 XUÑ | Teresa de Castro
24 XUÑ | Sebastián Villasante
Apúntate AQUÍ de balde para seguilas por Crowdcast!
INFÓRMATE AQUÍ sobre a programación completa do Mes do Medio Ambiente.
