Conferencia "Podemos anticiparnos aos efectos do cambio climático?" con MARÍA TERESA DE CASTRO en AfundaciónTV
__narrow.jpg "Conferencia")
A experta en oceanografía física, enerxía eólica e cambio climático, María Teresa de Castro, fálanos desde AfundaciónTV de como podemos anticiparnos ás novas situacións que se irán dando a causa do cambio climático. Este encontro online encádrase dentro do ciclo de conferencias ConCiencia Sustentable de Afundación con motivo do Mes do Medio Ambiente.
O aumento da temperatura a nivel global está provocando que os últimos anos sexan os máis cálidos desde que existen rexistros. E as consecuencias son, en parte, imprevisibles. Porén, numerosos equipos de investigación en todo o mundo desenvolven modelos e predicións para prever os efectos do cambio climático de cara ao futuro. Como se recollen, procesan e interpretan todos estes datos? Como nos axudan a adiantarnos aos impactos que producirá o clima?
MARÍA TERESA DE CASTRO
Profesora titular do Departamento de Física Aplicada da Universidade de Vigo. Actualmente é coordinadora do grupo de investigación Environmental Physics Laboratory (Ephyslab), un equipo multidisciplinar constituído no ano 2002 co obxectivo de estudar o clima e desenvolver modelos e predicións sobre a súa evolución. As liñas de investigación de María Teresa de Castro abarcan a oceanografía física, a interacción atmosfera-océano, o cambio climático, a enerxía eólica ou a dinámica fluvial e oceánica.
CICLO DE CONFERENCIAS ConCiencia Sustentable
24 XUÑ | Sebastián Villasante
Apúntate AQUÍ gratis para seguilas por Crowdcast!
INFÓRMATE AQUÍ sobre a programación completa do Mes do Medio Ambiente.
